[2011 上海、蘇杭] Day 4 上海

~Day 4~

27/12/2011 (Tuesday) 晴

上海 --> 多倫路文化名人街 --> 豫園 --> 田子坊 --> 徐家匯 --> 上海浦東國際機場 --> 香港

7:30 am	今日係旅程最後一日喇, 為左貫徹我地一向既宗旨去多 d 唔同既地方, 所以都係要早 d 起身。
9:20 am	搭地鐵到東寶興路站, 先逛一逛 "多倫路文化名人街"。 有『一條多倫路，百年上海灘』之稱的多倫路文化名人街, 裝飾著文化名人的銅像, 加上老建築與街兩側的古玩、玉器小店鋪, 使得這裡成為上海的重要景點之一。如果對於上海昔日風華與文人氣息有興趣的玩家, 這一條文化街是不能錯過的景點之一。
10:40 am	跟住再搭地鐵去豫園地鐵站。
10:50 am	我諗黎得上海, 除左去外灘浦東一帶, 其次必到既景點應該係豫園掛。豫園好有中國古典特色, 與豫園商城、城隍廟為鄰, 仲可以去食埋豫園入面既 "南翔小籠包"... 不過我覺得都係佳家湯包好味 d 呀...
1:05 pm	離開豫園, 繼續緊密既行程, 搭地鐵到打浦橋站, 目的地係新興景點 "田子坊"。唔知幾時開始, 個個人去上海都話要去田子坊, 仲話如果冇時間, 寧願放棄豫園都要去田子坊。我又覺得豫園真係好有中國色彩, 而田子坊地方唔大, 其實冇咩野睇, 大家點揀就要睇下自已鍾意 d 乜喇。
2:10 pm	今日行程既最後一站係徐家匯, 去睇一睇個徐家匯天主教堂。臨走順道去影一影上海老站, 唔係車站黎, 係一間餐廳黎架。
4:00 pm	番酒店取行理, 然後搭地鐵去龍陽路站轉磁浮列車到機場。
5:00 pm	原本諗住感受下磁浮去到 4xx km/h 既感覺啦, 點知佢最快都係開到 301 km/h, 仲慢過去杭州果間和諧號, 失望。
6:50 pm	乘搭港龍航班 KA 835 由上海飛往香港...
9:35 pm	到達香港國際機場, 4 天既上海、蘇杭之旅亦完滿結束了。