[2011 上海、蘇杭] Day 2 杭州．西湖

~Day 2~

25/12/2011 (Sunday) 晴

上海 --> 杭州．西湖 --> 上海

6:10 am	wake up...聖誕快樂呀 hee hee... 今日一早要出發往杭州, 欣賞世界文化遺產 - 西湖既美態, 所以要早 d 起身。
6:45 am	係酒店食早餐, holiday inn 的自助餐早餐, 都算唔錯啦。
7:55 am	因為一早買左火車票, 所以提早少少出門口, 預番 d 時間過機檢查行理就可以了。 其實係上海唔只搭長途火車, 連搭地鐵都要檢查行理的, 不過檢查既過程都好快。 我地乘搭 G7361 由上海火車站開往杭州站的和諧號列車, 時速最高達到 306km/hour (不過冇影到, ha ha), 只需個半鐘就到。
9:25 am	一出杭州站就會見到好多人在賣地圖, 一日遊 package 或叫你訂旅館, 你只要禮貌地話唔需要就可以了。 我地打算以西湖既斷橋殘雪作為遊西湖既起點, 只需搭 k7 號公車, 在斷橋公車站落車就到喇。
	遊西湖最佳既方法係繞住西湖走, 慢慢欣賞西湖十景......我地只是西湖一日遊, 想睇晒西湖十景有 d 難度, 最後既遊覽路線係咁﹕斷橋殘雪 -> 白堤 -> 平湖秋月 -> 曲院風荷 -> 蘇堤春曉 -> 花港觀魚 -> 三潭印月 -> 湖濱大道。
	在較大的地圖上查看中國上海杭州西湖路線圖
10:05 am	斷橋殘雪
11:05 am	白堤、平湖秋月
11:35 am	途中經過很出名的 "樓外樓" 酒家, 招牌菜有西湖醋魚、叫化雞 (即係乞衣雞)、龍井蝦仁等等。我地兩個人食唔倒咁多就只點左大家都認為必定要食既西湖醋魚, 佢個糖醋真係超正, 一定要試！
1:25 pm	曲院風荷
1:55 pm	蘇堤春曉
	,
2:55 pm	花港觀魚
3:15 pm	三潭印月
4:15 pm	搭船返回西湖東面既湖濱大道...
5:00 pm	行到咁上下, 諗住去食飯, 一早諗住食呢間 "外婆家"。 冇得預先 book 位, 已經提早五點去, 點知去到見到勁多人, 拎左張飛, 要等成百幾張, 唔係呀嘛？ 唯有再周圍行下先...
6:30 pm	行到六點幾天都黑埋都仲未有位, 我地又要趕火車番上海, 最後決定放棄了。回杭州火車站途中隨意搵左間餐廳, 冇預先安排係差 d... 個糖醋排骨同樓外樓真係差好遠。
7:20 pm	食完飯就搭的士返回杭州火車站, 再搭火車番上海了。
9:45 pm	回酒店休息。