[2011 信州．紅葉] Day 7 長野、超人氣賞紅葉勝地．輕井澤

~Day 7~

21/10/2011 (Friday) 陰天

長野 --> 善光寺 --> 輕井澤 --> 雲場池 --> 熊野皇大神社 --> 白絲之潼 --> 佐久平站淺間口 Toyoko-inn

8:00 am	起身食飯團早餐 >.< ...
9:20 am	走到 JR 長野站逛逛同影相...
10:25 am	返回 Toyoko-inn 取車去善光寺。 岩岩遇著維修, 影唔倒善光寺全貌 >.<
11:30 am	出發往紅葉之旅最後一站 - 輕井澤。輕井澤町位於長野縣東南部, 地處夏季氣候涼爽, 海拔約 1000 米的高原地帶, 所以從 19 世紀末開始就成為日本具有代表性的避暑勝地而發展至今。
1:25 pm	黎到萬眾期待既雲場池喇... 雲場池係非常出名既賞紅葉勝地, 加上交通方便, 由東京坐火車只需個幾鐘就到, 即使唔渣車都好容易黎到, 所以呢度勁多遊客。
2:15 pm	睇紅葉睇到唔捨得走, 覺得肚餓先醒起仲未食 lunch 喎... 今餐去 Pizza & Pasta Primo Trattoria 食意粉, 又係好好味, 其實係日本都好難話搵到一間餐廳 d 野係好難食既。
3:00 pm	繼續遊覽輕井澤, 走到聖保羅天主教教堂。
3:30 pm	再到熊野皇大神社。
4:20 pm	最後渣車到較遠既白絲之潼。
5:30 pm	行到天都黑, 最後去左輕井澤 Outlet Prince Shopping Plaza, 呢個 Outlet 好大, 想 shopping 應該可以行足一日。
7:30 pm	先到呢兩晚入住既佐久平站淺間口 Toyoko-inn 放低行理, 然後要係八點前還車俾 Toyota。就係呢個時候發生了一段小風波, 話說我地入左 Toyota 既電話落個 GPS 度, 但佢出既位置同我地個地圖又唔同, 而佢個位置仲好遠 tim, 我好肯定間 Toyota 只係酒店附近。咁我就提議自已係酒店附近搵下, 但轉左幾個圈都搵唔倒, 最後唯有去 GPS 指果度, 去到原來係一間 Toyota 既公司, 但唔係租車架囉, 好彩入面仲有一個人, 我地就向佢求救, 但佢 d 英文屎到... 我地係佢面前再入個電話都唔得, 最搞笑既係, 佢幫我地入又得喎, 真係 O 晒咀囉... 即刻飛去還車, 已經過左八點少少, 好驚佢 close 左... 去到見到仲有人, 心都定 d...
8:05 pm	還左車就去買巴士飛, 呢度又發生第二段小風波。話說後日要搭巴士番落池袋, 咁我地係香港已經上網 book 左車票, 話有折扣既, 但佢個 email 指示唔係咁清楚, 我地以為係去火車站搞, 點知去到果個人叫我地去 Circle K。去到搵到部售票機, 入左個 booking number, 成日都話唔成功, 問 d staff 又唔識...跟住又去酒店另一邊既 7-eleven 試下啦, 又係咁, 搞到冇晒心機喇, 最後唯有放棄... >.<
10:00 pm	搞到九點幾得個吉, 唉, 番酒店食杯麵 >.<
11:00 pm	很累了, 趕快洗澡睡覺。