[2011 信州．紅葉] Day 6 妙高高原

~Day 6~

20/10/2011 (Thursday) 晴

白馬 --> 戶隱 --> 妙高高原 --> 長野善光寺 Toyoko-inn

6:45 am	今日行程有少少緊迫, 所以未夠七點就要起床, 浸溫泉... 然後食早餐, 呢度早餐係 buffet 形式的, 超多選擇, 又好味, 讚！
8:40 am	要出發往下一站 - 戶隱喇...
10:00 am	今次由我來駕駛, 沿途車子不多, 好似去左深山咁... 戶隱都好大, 先去觀光案內所計劃一下黎緊既行程。黎到案內所, 坐著的居然是一個鬼婆, 我地話時間不多, 大約只會逗留三個小時, 有咩景點係一定要去, 佢就推薦鏡池, 咁我地就聽佢講啦。
10:30 am	黎到鏡池, 嘩, 嚇左一跳, 沿途黎戶隱時都冇乜車, 呢度 d 人多到嚇親...仲要想搵個位泊車都好難 >.< 好多人 set 晒腳架係度影, 鏡池之所以咁叫係因為佢個池面平靜到好似一塊鏡咁...
11:40 am	跟住去戶隱神社, 戶隱神社是位于戶隱山腳下的寶光社、中社、奧社的總稱, 神社自古以來就是山嶽信仰和修煉道的聖地, 充滿莊嚴的氣氛。
11:30 am	黎到戶隱, 不能錯過既就係呢度既蕎麥麵, 所以我地諗住係度食埋 lunch 先走... 呢度差唔多間間食肆都係食蕎麥麵, 爭在有幾出名同有幾多人係度等位... 我地揀左呢間 "德善院蕎麥．極意", 去到已經有人等緊, 諗住唔駛等好耐, 點知都等左成半個鐘有多... 我地原本要趕住去下一個景點妙高高原, 諗住不如放棄, 但一場黎到, 覺得要食埋先囉... 等到十二點終於有位喇... 蕎麥麵好好食, 比起第二天離開松本城後去食的那間好好多呢！
12:50 pm	食完就立刻出發去下一站 - 妙高高原！先到 JR 妙高高原站影張相, 再到觀光案內所拎地圖, 然後出發往苗名潼。
2:30 pm	日本真係好多乜"潼"物"潼", 不過呢個苗名潼算係比較大同出名的一個, 加上周圍都開滿紅葉既瀑布係唔錯既, 靚！
4:00 pm	再到乙見湖及"SAKE" 峰牧場。
5:05 pm	離開妙高高原往長野。
6:30 pm	黎到長野我地又搵信州和牛食喇, 今次去呢間位於長野市既 "SUKI 亭" 食 shabu shabu。呢間味道係好好, 但價錢較貴, 兩人食左九千 yen, 又不是放題, 食完都唔係好夠飽 >.<。
8:00 pm	食飽飽就渣車去長野善光寺 Toyoko-inn, 話說第二天係松本既 Toyoko-inn 度叫左個 staff 幫我地 book 呢度既泊車位, 所以一黎到同個叔叔講我地已經 reserve 左, 佢就好快咁指示我地去泊車喇...
11:00 pm	睡覺。