[2011 信州．紅葉] Day1 首次踏足信州 - 松本

~Day 1~

15/10/2011 (Saturday) 香港 --- 晴, 日本 --- 晴

香港 --> 臺灣桃園國際機場 --> 日本中部國際空港 --> 名古屋 --> 松本 Hotel

7:00 am	夢寐以求既日本信州紅葉之旅終於都展開了, 懷住極度興奮既心情到達機場。 check in 後, 即到國泰商務貴賓室玉衡堂食野。 玉衡堂貴賓室有兩個入口,一個是頭等艙專用的入口, 位置在 65 號登機門附近, 另一個是商務艙的專用入口, 位置在 61-63 號登機門附近。可以享用到國泰既商務貴賓室當然係難得, 但其實我覺得同 priority pass 既 lounge 分別不大, 只是人較少而已。
09:10 am	登上國泰 CX 530 班機, 一上機空中服務人員就會先問你飲 d 乜, 商務客位真係唔同 d, ho ho...... 9:10 am 準時起飛, 好快又到食野既時候, 因為商務客位個飛機餐都好豐富下, 成個 course 有頭盤、主菜同甜品飲品, 之前又係貴賓室食左野, 搞到好鬼飽...... >.<
(以下轉日本時間) 3:25 pm	到達名古屋既中部國際空港喇, 好快過左關同埋拎行理 (商務客位既行理係優先處理既), 點知推住行理過海關時俾人截停, 仲打開埋我地 d 行理黎睇, 最後就笑笑口咁話 ok ok, 真係 waste 晒我 d 時間。
4:07 pm	之後就加快腳步去左名古屋機場既火車站, 搭名鐵出名古屋喇。我地買左飛之後見到有快車同慢車, 咁梗係飛奔落去快車果個月台, 見到成架車都係指定席......我地諗緊點算, 上去再補錢又趕唔切, 就係呢個時候, 我突然諗起 2007 年既關西中部之旅 (可睇番遊記), 回程果日又係由名古屋搭呢隻快車去機場, 果時又係矇查查走左上車, 最後車上有票務員會 check 飛, 見我地冇買指定席就叫我地補錢...... 於是我就唔理咁多, 上左車先算......最後當然又係有人叫我地補番錢啦, 唔會話你冇買飛既......
5:10 pm	到左名古屋 JR 站就拖住行理去搵名鐵 Bus Center, 我地要搭由名古屋開往松本既高速巴士。搭巴士需時三個幾鐘, 而搭 JR 都要兩個鐘, 價錢仲要貴一倍, 所以都係選擇搭巴士。
8:30 pm	終於都到左松本喇, 松本唔係好大, 酒店都好近火車同巴士站的。我地拖住行理, 好快就搵到我地 book 左既酒店, 去到見到門口已貼住 "是日滿室" 既告示。
9:00 pm	放低行理都已經係晚上九點了, 搭左成日飛機同巴士都好累, 只想搵間近近地既餐廳食野。走出酒店, 對面不遠處有一間專吃料理的 "信州 JIDORI 亭" , 係日本食牛食豬既都多, 專吃的都是第一次見, 就這間吧。唔係旅遊區通常都會預到一個問題, 就係餐廳既餐牌都冇中/英文同圖畫, 今次都唔例外, 對住個餐牌都唔知果 d 係咩黎既, 我地又捉住個人黎問, 唔明就叫佢指住身體既部位, 哈哈......！
10:30 pm	食完番酒店, 唔好睇呢間酒店咁細, 都有個大浴場俾人浸下, 但浴場就只得一個, 夜晚係男士專享, 即係我冇得浸 >.<
11:00 pm	休息了。