[2008 東北．四大祭] Day 9 返回仙台、四大祭之四．仙台七夕祭

~Day 9~

8/8/2008 (Friday) 睛

山形 --> 仙台 --> 仙台七夕祭 --> 仙台

8:40 am	今天會回仙台, 欣賞今次東北四大祭既最後一站 --- 仙台‧七夕祭。一早乘搭 9:36 am 開出既仙山線列車到仙台, 需時 71 分鐘。到達後先到今晚會入住既 toyoko-inn 放低行理, 然後再出動食 lunch。
11:40 am	我地係仙台市搵左好耐, 都冇乜特別野好食, 講食呢度真係唔夠東京大阪咁多選擇, 最後決定食吉野家。
12:30 pm	下午我地會遊覽仙台市必到既兩個景點﹕瑞鳳殿同仙台城跡。因為七夕祭既關係, 係火車站多左好多 information counter 俾遊客問野, 我地話要去呢兩個地方, 果個人仲帶埋我地去搭市內觀光巴士 tim。佢仲同我地講, 佢之前黎過香港, 仲住係半島酒店, 好貴啊！
12:50 pm	大約二十分鐘就到左瑞鳳殿, 入場費 550 yen。
2:05 pm	之後搭觀光巴士到仙台城跡, 呢個城已經冇左, 其實冇野睇, 主要係睇番仙台市既風景。
3:15 pm	參觀完仙台城跡, 番落仙台市行下, 雖然七夕祭仲未開始, 但仙台市都已經非常多人了。
5:15 pm	行到五點幾, 我地選了一間叫 "美日月" 的餐廳吃晚飯, 入到去間餐廳既佈置有點西化, 但食物都是日式的, 店員又係例牌唔識英文。係雞同鴨講之際, 佢地問我地識唔識講普通話, 我地話可以, 佢就叫左個廚師出黎, 原來佢係中國人來的, 咁就方便很多了。食物味道很有水準, 像香港高級酒店的質素, 但價錢卻比香港平得多。
6:30 pm	食完野就去欣賞東北四大祭最後一個祭典仙台七夕祭喇, 呢個祭比較西化, 有 d 似一個大型歌舞表演, 都好好睇喎......
7:30 pm	呢個 trip 要睇既四大祭已經完滿結束了, 四個祭都各具特色, 好好睇。我地走回酒店途中, 買左 d 暑片同暑條, 諗住睇奧運會開幕時食呢！