[2008 東北．四大祭] Day 8 米澤

~Day 8~

7/8/2008 (Thursday) 睛

山形 --> 米澤 --> 山形

8:50 am	今日既行程唔算趕, 只打算到山形附近一個叫 "米澤" 的旅遊區。雖然叫旅遊區, 但我相信遊客不會太多, 尤其香港人更絕少會去, 因為這個地方沒有什麼特別出名的東西, 出名的只有一樣, 就是 "米澤牛" 了。 我特地安排到米澤都只是為了一親米澤牛的香澤呢！大約 9:50 am 到車站下面的一間麵包餐廳吃早餐, 味道很好。
10:04 am	乘搭 JR 新幹線到米澤站, 需時 36 分鐘。下車後, 第一時間當然是去 information centre 拎地圖, 順便問下呢個地方點行好啦。點知一問之後, 我就知道呢個地方應該冇乜遊客黎喇, 因為 d 人連少少英文都唔識既。 我地又死不罷休, 係咁問。 在我用一半英文, 一半簡單日文既情況下, 問左成大半個鐘頭......日本人都幾有耐性呀下......
11:45 am	見時間都唔早, 我地決定先去食米澤牛 lunch。乘搭米澤市市民循還巴士右迴線, 在米澤市役所前站下車。
12:45 pm	下車後就找我地既目標 "登起波米澤牛牛肉店", 呢間舖唔係大街, 加上呢個地方都好鄉下, 我地都搵左好耐先搵到呀。 我地兩人都點左 shabu shabu, 雖然天氣好似熱了點, 但為左我地既米澤牛, 冇法啦。
2:15 pm	呢餐都幾好味, 不枉我地山長水遠來吃啊！食飽飽後就搭循環巴士左迴線, 到第一個景點 "上杉神社"。之後繼續參觀上杉伯爵邸、上杉城史苑、米澤市上杉博物館、酒造資料館。
4:33 pm	大約四點半左右就搭循環巴士左迴線回米澤站, 準備搭 JR 新幹線番出形了。 係我地等巴士番 JR 站時, 附近有一間叫 "愛染" 既米澤拉麵店, 都是很出名的, 旅遊書都有介紹的, 不過我地沒機會試了。
6:00 pm	回到山形, 時間尚早, 於是我地又走到花笠祭的會場。
7:00 pm	琴晚諗住食牛, 但最後變左食廣東菜咁, 於是今晚就搵番 d 真正既日式山形牛食喇。我地選了一間叫 "KUROGE" 既炭燒山形牛店, 入去要坐地下, 冇遊客......我地係度諗, 又唔知點叫野食, 點知個侍應妹妺好好人, 好努力咁講解, 講講下個廚師走埋出黎, 指住一個字, 跟住又指住自已個身, 即係話俾你聽呢客係牛既咩部位, 真係好好人呢......我地食食下, 佢仲送多一客牛俾我地食, 好好味, 價錢又唔貴, 正過係香港食多多聲呀......
8:40 pm	食完晚餐就慢慢行番酒店, 經過一個太空奇兵威 E 的公仔, 好鬼得意架, 係香港都唔會見到呢 d 野既。之後再買左 d 宵夜番去食, 過埋 d 相就休息了。