[2011 河內、下龍灣、陸龍灣] Day 4 陸龍灣

~Day 4~

1/5/2011 (Sunday) 晴

下龍灣 --> 陸龍灣 --> 河內

6:15 am	一早起床, 食早餐...
7:15 am	要起程前往陸龍灣, 車程又要四個鐘, 係時候補一補眠。
11:15 am	終於都到左陸龍灣喇, 先前往食 lunch。
12:40 pm	食飽飽就出發往碼頭。我地會搭舢舨小船遊三谷湖, 兩個人搭一隻船, 再加兩個人"餐"船... 遊陸龍灣需時個半至兩個小時, 視乎"餐"船的人, 佢地都係當地既農民, 有老人家亦有後生的。 陸龍灣之所以吸引人的地方是當地河流平穩, 且整個河床不深。所以, 乘船的人可以很悠哉的欣賞四周的風景, 並不用去特別擔心水上的安全。沿著河邊的碼頭出發, 一路會慢慢走近陸龍灣最有特色的地方 --- 鐘乳洞穴, 喀斯特地形所行程的高山, 經過幾百萬年的河水沖刷, 造成由河流穿鑿的偌大洞穴。整個參觀過程會經過三個洞穴, 進入洞一片漆黑, 伸手不見五指, 等快接近洞口之後, 看到的景致有柳暗花明又一村的感覺。 船去到中途, 會有售賣飲料水上商店划近你的船, 船夫希望客人買飲料請他們喝！如果客人一路都不買, 常常會發生一些情況, 船夫會藉口累了不划, 或是希望客人下船時俾多 d 小費！如果沒有多給, 有些船夫會破口大罵, 造成旅客心中不快！幸好我地坐的那隻船, 沒有用這種手法對待我們, 而我地落船時亦多給了點小費給他們, 始終用人力划船兩小時實在是很花氣力！
2:40 pm	完成陸龍灣旅程, 我地要乘車回河內了。
5:20 pm	回到河內, 我地再到玉山寺同還劍湖遊覽。
5:45 pm	然後坐人力三輪車遊河內最熱鬧既 36 古街。
6:40 pm	36 街好大既, 坐三輪車都坐左成個鐘, 坐完就自已再周圍行下咁。
7:45 pm	食晚餐, 今次食越式風味餐。
8:55 pm	回酒店休息了, 執好行理, 準備明天一早到機場。