2009 中國．四川．成都、九寨溝、峨嵋山六天遊 - 行程規劃

~ 中國．四川．冬．成都、九寨溝、峨嵋山六天遊 ~

日期: 24/12/2009 - 29/12/2009

今年 9 月開學後, 工作實在太忙, 一星期七天都在工作, 捱到十月尾已經有點透不過氣來, 而獎勵自已的最佳辦法就是安排一個聖誕外遊啦, 哈哈！

礙於美元兌換日元正處於歷史性高位, 成 90 咁濟, 去日本已經唔駛諗, 加上聖誕假又唔係好長, 正好可以開始我想左好耐但又遲遲未能實行既中國之旅喇！

我地向中國出發既第一站係九寨溝, 其實原先都有幾個選擇, 而十二月又是去九寨溝既淡季來, 但最後都作左呢個決定, 因為我地中國之行都係為左睇景, 而冬天既九寨溝亦都好出名, 加上淡季少 d 遊客, 影相仲方便 d tim...... (不過後來我地才知為何十二月是到九寨溝的淡季, 看看後面的遊記便會清楚了 >.<)

我地到旅行社搜集資料, 最後選了永安旅遊一個六天豪華團, 團號為 CDF06XB, 行程可參考旅行章程。

因為工作實在太忙, 加上去呢 d 地方交通比較麻煩, 所以最好都係跟團。同埋上網睇 d 人既意見, 話自由行為左慳錢, 搵 d 平酒店, 果 d 酒店就算係冬天, 天氣凍到得零下十幾度都好, 都未必有熱水供應 >.< 所以都係 join 個豪華團算, 最後揀永安係因為佢保證入住九寨天堂洲際大飯店, 呢趟真係要豪一豪佢, 呵呵！

報左團後就自已做下功課, 準備走訪這次行程的兩大重點﹕世界自然遺產 "九寨溝" 以及世界自然及文化雙遺產 "峨嵋山" 了。

事前準備

準備	備註
報團	參加永安旅遊九寨溝六天豪華團, 團費 $4799。
購買保險	於保誠購買旅行保險。

行程表

		住宿
Day 1	香港 --> 成都機場 --> 成都	世紀城假日大酒店(西樓)
Day 2	成都 --> 成都機場 --> 九寨黃龍機場 --> 九寨溝	九寨天堂洲際大飯店
Day 3	九寨溝	九寨天堂洲際大飯店
Day 4	九寨溝 --> 九寨黃龍機場 --> 成都機場 --> 樂山大佛 --> 峨嵋山市	天頤溫泉度假大飯店
Day 5	峨嵋山市 --> 峨嵋山 --> 成都	世紀城假日大酒店(西樓)
Day 6	成都 --> 成都機場 --> 香港

整個旅程所需費用 (二人計)

今次係我地第二次跟團去旅行, 駛錢既機會唔多, 應該係話一 d 機會都冇, 因為去邊都有旅遊巴, 大部分時間又包食, 大陸又冇野好買, 所以所需費用不高。

團費 (機票、酒店、交通、膳食)	約 $9600
導遊、領隊及司機小費	$720
食	約 $20
手信	約 $100
娛樂	約 $850
其他	約 $50
總計	約 $11340 (每人約 $5670)

如果想知我地每日去左邊就要逐日睇喇, 仲有相睇 tim...