[2006 北海道．薰衣草] Day 4 富良野

~Day 4~

22/7/2006 (Saturday) 晴

札幌 --> 富良野 --> 麵包超人館 --> 富良野果醬園 --> 芝士工房 --> 果汁工場 --> 葡萄酒工場 --> 彩香之里 --> 町營薰衣草園 --> 旅之宿 Mr. Gnu Pension

7:15 am	到酒店地下吃免費飯團, 還有免費味僧湯, 咖啡......
8:04 am	我們兩人執拾了去富良野要帶的東西, 放在其中一個行理箱, 不用帶的放另一個, 然後拖到 JR 站找了一個可儲存 3 天的 LOCKER, 300 YEN 一日。然後趕快走上 8:04 am 出發開往富良野的特急列車, 我們之前買 4 DAY PASS 的時候, 已預訂了指定席, 旺季要加 710 YEN, 所以不用一早去排隊。
10:00 am	列車準時到達富良野站, 我們在車站附近拍照已用了半小時呢！大約十點半, 我們就到車站裏的租車公司取我們一早預訂了的車子。這是最低級的 S class 4 WD 車, 1300 CC, 車子很新, 只行了 4 萬公里, 樣子似香港的 ECHO......
10:50 am	因為不習慣駕自動波車, 所以花了一段時間來熟習車的操作, 那當然很快學會啦, 而且還比棍波車易很多呢！大約 10:50 am 我們就出發往第一個景點, 離富良野站較遠的麵包超人館！
11:45 am	根據旅遊書介紹, 自己開車應該半小時就可以到達麵包超人館, 但我們花了差不多一小時才到達！全因那個我們以為可以信得過的 GPS 導航系統了！真的多得佢唔少......不是我們想像中咁準確, 而且很易過籠, 累你行很多冤枉路, 後來我們都是自己睇地圖, 發覺他教你行的路並不是最短的......所以各位如果駕開車的, 應該相信自己呀！我們於 11:45 am 終於到達了麵包超人館, 可以到達亦都是我英明, 沒有信 GPS, 只是靠睇當地的路牌, 真好笑！值得一提的是, 當地的景點都有路牌指示, 去到附近就會有指引帶你去的.... 麵包超人館不大, 睇的東西沒有想像中多, 最吸引是那些油畫...... 睇完就到隔離的富良野果醬園, 裏面有不同味道的果醬任你試, 都幾好味的！我最後買了兩款果醬！ 離開果醬園就順道開車上去麓鄉展望台, 這裡可以眺望到日劇 《來自北國》的外景地 "麓鄉地區", 那裏的風景真的很美！
12:45 am	逗留了大約一個小時, 就出發去下一個景點了。富良野芝士工房！剛才被 GPS 誤導, 累我們用了一個小時才到達麵包超人館, 怎料好戲還在後頭！跟著 GPS 到芝士工房, 初時有紋有路, 以為今次應冇錯啦, 怎知去到發覺唔對路, 完全冇芝士工房既足跡, 根本佢個目的地都唔係芝士工房那裏, 錯得離譜！係離晒大譜！咁我地唯有硬著頭皮問人啦, 咁日本人又唔識英文, 加上佢地都未必識去芝士工房啦, 問左幾個都係得個吉, 最後走入去 Lawson 問下 D 店員, 救星到, 佢居然識去呀！佢拎張地圖出黎, 教我地去, 我地都有地圖係手, 最後真係去到, 所以我地之後都係決定自己睇地圖, 以 GPS 輔助......(所以之後好順利, 搵路的時間少了)
1:45 pm	整整下又用左一個鐘先去到芝士工房, 那裏可試吃芝士, 睇睇北海道出產的各款芝士......走之前吃了那裡售賣的雪糕, 我們吃了芝士味, 牛奶味和葡萄味......
2:50 pm	下一個景點是富良野果汁工場, 那裏介紹了富良野果汁的整作過程, 我們又可試飲果汁了......
3:25 pm	離開果汁工場再到附近的富良野葡萄酒工場, 那裏亦有介紹葡萄酒的整作過程, 亦有試飲, 雖然我們要駕車, 但都試了少少, 飲少少我就面紅了, 呵呵！
4:20 pm	接著到 "彩香之里", 好靚的花田呀！那裏很大, 除左薰衣草, 還有很多其他品種的花！
4:50 pm	最後到 "町營薰衣草園", 那裏原本有吊車坐的, 但我們去到剛好五點, 收工了, 那我們只好影下相。影到差不多五點半, 想起民宿那裡六點半就要食 DINNER, 於是走了。
6:15 pm	我們住的民宿位於美馬牛車站附近, 名叫 "旅之宿 Mr. GNU", 是歐風民宿來的。附近環境優美, 但真的很多小昆蟲。 相中的這間民宿並不是我們住的那間, 而是在我們隔離的！晚餐頗豐富, 意粉很好吃！這裡的屋主從前在羅馬出世並居住, 所以這些食物應難不倒他呢！
10:30 pm	晚餐後, 各人要輪住洗澡, 屋主預備了一個薰衣草浴給我們浸, 很舒服呢！洗澡後計劃一下明天美瑛的行程便睡覺了。