2011 日本．信州．紅葉九天自駕遊 - 行程規劃

~日本．信州．紅葉九天自駕遊~

日期: 15/10/2011 - 23/10/2011

去日本睇紅葉一直以來都係我既夢想，雖然成日都去日本旅行，但睇紅葉既季節總是不能請假，今年終於有機會了，所以諗都唔駛諗梗係去睇左先。

今次既旅程同以往有 d 唔同，十月唔係旅遊旺季，所以都唔駛一早買定機票，只是出發前以亞洲萬里通換左名古屋入東京走既機票。不過太近出發日子既關係，得番商務客位有得換，咁就一於坐商務客位嘆一嘆佢啦。

今次既旅程會深入日本既信州睇紅葉，浸溫泉同埋食和牛，全部都係我地既至愛，超期待呀！

信州即是日本既長野縣，位於本州中部。我地先飛往中部既名古屋作為起點，走遍長野縣既松本、乘鞍高原、白骨溫泉、上高地、白馬、戶隱、妙高高原、長野同埋輕井澤，最後係東京飛返香港。

整個旅程都可以欣賞到開滿紅葉既景色，又食左好好味既信州和牛，唯一美中不足既係 d 日元實在太貴了，買野都真係要諗過先。

在較大的地圖上查看日本信州9天旅遊路線圖

事前準備

準備	備註
申請日本旅遊簽証	免簽証
申請國際車牌	到運輸署申請國際車牌, 有效期為一年, 費用 $80
購買機票, 訂酒店	用亞洲萬里通免費換取 CX 國泰航空香港至名古屋, 東京至香港來回商務客位機票兩張
購買旅遊保險	於保誠購買旅遊保險
訂民宿, 酒店	於網上預約
租車	於網上預約
換日元	於恆生銀行換購

行程表

		住宿
Day 1	香港 --> 日本中部國際空港 --> 松本	松本 HOTEL
Day 2	松本 --> 橫谷峽 --> 松本	松本站前 Toyoko-inn
Day 3	松本 --> 乘鞍高原 --> 白骨溫泉	白骨溫泉 EBISUYA HOTEL
Day 4	白骨溫泉 --> 上高地 --> 松本	松本站前 Toyoko-inn
Day 5	松本 --> 白馬八方尾根	丸石旅館
Day 6	白馬 --> 戶隱 --> 妙高高原 --> 長野	長野善光寺 Toyoko-inn
Day 7	長野 --> 輕井澤	佐久平站淺間口 Toyoko-inn
Day 8	輕井澤	佐久平站淺間口 Toyoko-inn
Day 9	輕井澤 --> 東京成田空港 --> 香港

整個旅程所需費用 (二人計)

現時日元高企, 十元港幣對換一百元日元, 即係食碗拉麵都分分鐘要成舊水, 暫時是歷史性高位, 幸好用左里數換機票幫補一下, 否則就...

機票、酒店、交通	約 $18000
食	約 $4600
手信	約 $300
娛樂	約 $360
其他	約 $100
總計	約 $23360 (每人約 $12000)

如果想知我地每日去左邊就要逐日睇喇. 仲有相睇 tim.